බැදුම්කර කොමිසමේ අවසන් වාර්තාව පාර්ලිමේන්තුවට.. ඉංග‍්‍රිසි පිටපත් පමණයි..

බැදුම්කර කොමිසමේ අවසන් වාර්තාව පාර්ලිමේන්තුවට.. ඉංග‍්‍රිසි පිටපත් පමණයි..

ශ‍්‍රි ලංකා මහ බැංකුවේ බැඳුම්කර ගනුදෙනු සම්බන්ධයෙන් පරීක්‍ෂණය කරන ලද විශේෂ ජනාධිපති පරීක්ෂණ කොමිෂන් සභාවේ අවසන් වාර්තාවේ පිටපත් 26ක් පාර්ලිමේන්තුවේ මහ ලේකම්වරයාට බාර දී ඇත.

එම පිටපත් 26ම ඉංග‍්‍රිසි බාෂාවෙන් වන අතර ඒ සමගම තවත් සංක්ෂිප්ත වාර්තාවක් හා බරපතල වංචා සහ දූෂණ පිළිබඳ විමර්ශන වාර්තාවේ සිංහල පිටපත් 34ක් බාර දී ඇත.

ජනාධිපති කාර්යාලයේ නීති නිලධාරී නීතිඥ මුදිත දිසානායක මහතා විසින් මෙම පිටපත් සියල්ල පාර්ලිමේන්තු මහලේකම්වරයා වෙත භාර දී අති බව කථානායක මාධ්‍ය අංශය නිවේදනය කරයි.

ශ‍්‍රී ලංකා-සිම්බාවේ එක්දින තරගය.. [සජීව විකාශය]

ශ‍්‍රී ලංකා-සිම්බාවේ එක්දින තරගය.. [සජීව විකාශය]

සංචාරක ශ‍්‍රි ලංකා කණ්ඩායම හා බංග්ලාදේශ කණ්ඩායම අතර පැවත්වෙන එක්දන තරගය අද බංග්ලාදේශයේ ඩකාහිදී පැවැත්වෙයි.

ශ‍්‍රි ලංකාව, සිම්බාවේ හා බංග්ලාදේශය අතර පැවැත්වෙන තුන්කොන් එක්දින තරගාවලියේ දෙවැනි තරගය මෙයයි.

සජිව විකාශය මෙතනින්
ලකුණු පුවරුව මෙතනින්

ජනාධිපති කැබිනට් හමුවේදී එජාපයට බැන්න බලූ බැණුම මෙන්න..

ජනාධිපති කැබිනට් හමුවේදී එජාපයට බැන්න බලූ බැණුම මෙන්න..

ඊයේ දිනයේ පැවති කැබිනට් මණ්ඩල හමුවේදී ජනාධිපතිවරයා විසින් එක්සත් ජාතික පක්‍ෂය ඉලක්ක කරමින් දොස් පැවරු ආකාරය අද ලංකාදීප පුවත්පත වාර්තා කර ඇත්තේ මෙසේය.

‘මම පසුගිය ආණ්ඩුවෙන් එලියට බැස්සේ හොරකමට දූෂණය විරුද්ධයි. එදා එළියට බැහැලා අලුත් ආණ්ඩුවක් හැදුවේ ඒ හොරකම් දූෂණ නැවත කරන්න ද කියලා මම අහනවා. එක්සත් ජාතික පාක්ෂිකයන් මට ඡන්දය දුන් බව ඇත්ත. මම ඔවුන්ට ගරු කරනවා. එක්සත් ජාතික පක්ෂයේ මන්ත්‍රීවරුන් මඩ ගහන්නේ මාව බය කරන්නද මාව එළවන්නද. මේවා ඒ අයගේ උවමනාවෙන් කරන ලද ඕනෑකමින් කරවනවාද කියල මම දන්නෙ නැහැ.

මම එදා එළියට බැස්සෙත් ජීවිත අවදානමක් නොතකායි. ඒ නිසා මට මේ විවේචන හොඳට පුරුදුයි. බැඳුම්කර කොමිසම පත්කළේ යූඑන්පියට ගහන්න කියලා සමහර මන්ත්‍රීවරුන්ට කියා යනවා. හැබැයි මම කොමිසන් සභාව පත් කළේ බැඳුම්කර ගනුදෙනුව ගැන හොයන්න. මට කා එක්කවත් පුද්ගලික ප්‍රශ්න නෑ.

මගේ ධුර කාලය ගැන ශ්‍රේෂ්ඨාධිකරණයේ මතය විමසීමත් සමහරුන්ට ප්‍රශ්නයක් වෙලා. මම මෙතන ඉන්න අාපු කෙනෙක් නොවෙයි. මම හෙට නෙවෙයි අද වුණත් යන්න ලැස්තියි. මම ශ්‍රේෂ්ඨාධිකරණයේ මතය විමසුවේ ඒ ගැන මත දෙකක් තිබුණු නිසයි. මම නිලධාරින් එකක් සාකච්ඡා කරලයි ඒක කළේ. ශ්‍රේෂ්ඨාධිකරණයේ මතය මා පිළිගන්නවා. නම් ඒ ගැන කාටවත් ප්‍රශ්නයක් ඇති කරගන්න දෙයක් නෑ.

මම හොරු ගැන කිව්වම කවුරුත් කුලප්පු වෙන්න අවශ්‍ය නැහැ. මම එදත් හොරකමට විරුද්ධයි අදත් හොරකමට විරුද්ධයි. අපි ආවේ කුමකටද කියලා කල්පනා කරන්න ඕනෑ. අපි ආවේ ගිය ආණ්ඩු කරපුවම කරන්නද කියලා මම අහනවා.

එදා රවී කරුණානායක මහත්මයා මුදල් ඇමති කමට පත් කරද්දී මම විරුද්ධ වුණා. අර්ජුන් මහේන්ද්‍රන් මහ බැංකුව අධිපති කමට පත් කරද්දී මං විරුද්ද උනා. එදා මම කිව්ව දේ ඇහුවා නම් අද මේ ප්‍රශ්න නෑ. හොරකමට දූෂණයට විරුද්ධව මම දිගටම සටන් කරනවා. මට බැනලා ඒවා නතර කරන්න බැහැ. කවුරුවත් මාව විවේචනය කළත් මට කොපමණ පහර ගැසුවත් මගේ ගමන නතර කරන්නේ නැහැ. මාව බය කරන්නත් බෑ. මේ විදියට ආණ්ඩුව කරනවද නැද්ද කියල ඔයාලත් තීන්දු කරන්න’

– ලංකාදීප

සරත් විජේසූරිය ඉල්ලා අස්වෙයි.. සෝභිත හිමිගේ සාධාරණ සමාජය කුඩුපට්ටං..

සරත් විජේසූරිය ඉල්ලා අස්වෙයි.. සෝභිත හිමිගේ සාධාරණ සමාජය කුඩුපට්ටං..

පූජ්‍ය මාදුළුවාවේ සෝභිග හිමියන්ගේ අපවත් වීමෙන් පසුව සාධාරණ සමාජයක් සදහා වූ ජාතික ව්‍යාපාරයේ කැදවුම්කරු ලෙස පත් කරන ලද මහාචාර්ය සරත් විජේසූරිය එම ධුරයෙන් ඉල්ලා අස්වී ඇති බව වාර්තා වෙයි.

ඔහු මෙසේ ඉල්ලා අස්වී ඇත්තේ තමන් විදේශගතව සිටියදී තමා නොදැනුවත්ම සංවිධානයේ උපදේශක තනතුරකට ගිරාඹේ ආනන්ද හිමියන් පත් කිරීමට විරෝදය පල කරමින් යයිද සදහන්ය.

සංවිධානයේ ඇතිව තිබෙන අර්බුදකාරී තත්වය හේතුවෙන් එහි ප‍්‍රදාන කාර්යාලය පවත්වාගෙන ගිය ගොඩනැගිල්ලලෙන්ද ඉවත් කරගෙන ඇතැයි අන්තර්ජාල මාධ්‍ය වාර්තා කරයි.

තවත් එකට ආණ්ඩු කරන්න බෑ.. එජාප ඇමතිවරුන්ට කැබිනෙට්ටුවේ පලූ යන්න බනිමින් ජනාධිපති පටිගත කරගනී..

තවත් එකට ආණ්ඩු කරන්න බෑ.. එජාප ඇමතිවරුන්ට කැබිනෙට්ටුවේ පලූ යන්න බනිමින් ජනාධිපති පටිගත කරගනී..

එක්‌සත් ජාතික පක්‍ෂයේ ඇමැතිවරුන්ට දැඩි වාග් ප්‍රහාරයක්‌ එල්ල කළ ජනාධිපති මෛත්‍රිපාල සිරිසේන මහතා ඊයේ (16 වැනිදා) පැවැති කැබිනට්‌ රැස්‌වීමෙන් නැගිට ගියේය.

කැබිනට්‌ රැස්‌වීමේ ආරම්භක කතාව කරමින් ජනාධිපතිවරයා මෙසේ සඳහන් කර ඇත. “මගේ මේ කතාව ඔබතුමන්ලාට අවශ්‍ය නොවන්න පුළුවන්. ඒත් මට ඒක අවශ්‍යයි. ඒ නිසා මා එය රෙකෝඩ් කරනවා. මම බැඳුම්කර කොමිසම පත් කරපු එක වැරැදිද? දූෂණවලට විරුද්ධව වැඩ කිරීම වැරැදිද? මෙයට පෙර පැවැති ආණ්‌ඩුවේදී මම දූෂණ විරෝධී ප්‍රතිපත්තියක්‌ අනුගමනය කරන විට එහි නායකයන් මගෙන් ඇහුවා ඔබ වෙනමම දේශපාලන ගමනක්‌ යන්න හදනවද, ඔබ කොහොමද ආණ්‌ඩුවේ වැඩවලට විරුද්ධ වෙන්නේ කියලා…

පුරා විනාඩි 35 ක්‌ තිස්‌සේ තම කතාව පැවැත්වූ ජනාධිපති මෛත්‍රිපාල සිරිසේන මහතා අනතුරුව කැබිනට්‌ රැස්‌වීමෙන් නැගිට තම නිල කාමරයට ගොස්‌ ඇත.

තමා බැඳුම්කර කොමිසමේ වාර්තාව ඉදිරිපත් කළේ කිසිවකුටත් හිතාමතා පහර ගැසීමට නොවන බවත් එක්‌සත් ජාතික පක්‍ෂයේ ඇතැම් මන්ත්‍රීවරුන් ඒ බව කියමින් තමාට දිගට හරහට පහර ගසන බවත් එවැනි පසුබිමක්‌ යටතේ තවදුරටත් එකට ගමනක්‌ යා නොහැකි බවත් ජනාධිපතිවරයා තම කතාවේදී පවසා තිබේ.

කැබිනට්‌ රැස්‌වීමෙන් පිටව ගිය ජනාධිපතිවරයා යළි කැඳවාගෙන ඒමට අගමැති රනිල් වික්‍රමසිංහ මහතා ඇතුළු ජ්‍යෙෂ්ඨ ඇමැතිවරුන් කිහිප දෙනකුම ජනපති නිල කාමරයට ගොස්‌ ඇත.

ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් ජනාධිපති ලේකම් කාර්යාලයේදී ඊයේ (16 දා) පෙරවරුවේ කැබිනට්‌ මණ්‌ඩලය රැස්‌වූ අවස්‌ථාවේ එහි මුලසුනේ සිටි ජනාධිපතිවරයා එක දිගට පැය භාගයක්‌ පමණ කතා කරමින් තමා පොළොන්නරුවෙන් දේශපාලනය අරඹා විධායක ජනාධිපති ධුරය දක්‌වා පැමිණි ගමන් මග පිළිබඳව දීර්ඝ විස්‌තරයක්‌ කර ඇත.

පොදු අපේක්‍ෂකයා ලෙස ඉදිරිපත්ව ජනාධිපති වූ තමන් කිසිවිටෙක ගුණමකුවකු නොවන බවත් අගමැතිවරයාට විධායක ජනාධිපති ධුරයේ බලතල පවා ගෙන ක්‍රියාකිරීමට ඉඩ සැලසූ බවත් එහිදී අගමැති ප්‍රමුඛ ජාතික රජයේ කටයුතුවලට තමන් කිසිවිටෙක අත නොගැසූ බවද කියා තිබේ.

එසේ කටයුතු කළ තමන්ට බැඳුම්කර වාර්තාව සම්බන්ධයෙන් නම් සඳහන් කළ එජාප මන්ත්‍රීවරුන් දිගට හරහට පහර ගසන බවත් එවැනි තත්ත්වයක්‌ යටතේ ආණ්‌ඩුවට එකට ගමනක්‌ යා නොහැකි බවත් පවසමින් මුලසුනින් නැගිට ගිය බව කැබිනට්‌ ඇමැතිවරයෙක්‌ පැවසීය.

අගමැති සහ ඇමැතිවරුන් කිහිප දෙනකු ගොස්‌ ජනාධිපතිවරයා අස්‌වසා නැවත කැබිනට්‌ රැස්‌වීමට කැඳවාගෙන පැමිණි අතර පසුව සුපුරුදු පරිදි කැබිනට්‌ මණ්‌ඩල රැස්‌වීම පවත්වා ගෙන ගිය බවද එම ඇමැතිවරයා වැඩිදුරටත් පැවසීය.

මහින්ද රාජපක්‍ෂගෙන් ආප්ප කාලා ඇවිල්ලා මහින්ද රාජපක්‍ෂට කෙළියා වගේ දැන් මේ අය හිතාගෙන ඉන්නේ අපේ පිහිටෙන් ජනාධිපතිවෙලා ඊළඟ ඡන්දෙදි අපට කෙළින්නම් කියලා යෑයි පසුගිය 14 දා එජාප මන්ත්‍රී එස්‌. එම්. මරික්‌කාර් මහතා ගොතටුවේ ජනහමුවකදී කියා සිටියේය.

මින් පෙර අවස්‌ථාවකදී බැඳුම්කර කොමිසම සම්බන්ධව එජාප රාජ්‍ය ඇමැතිවරයකු වන සුජීව සේනසිංහ මහතා ද ජනාධිපතිවරයා විවේචනය කරමින් ප්‍රකාශයක්‌ කර තිබිණි.

– Divaina

බැදුම්කර කොමිසමේ වාර්තාව අද ප‍්‍රසිද්ද කෙරේ..

බැදුම්කර කොමිසමේ වාර්තාව අද ප‍්‍රසිද්ද කෙරේ..

ශ‍්‍රි ලංකා මහ බැංකුවේ බැඳුම්කර නිකුතුව සම්බන්දයෙන් පරීක්‍ෂණ කරන ලද විශේෂ ජනාධිපති කොමිෂන් සභාවේ වාර්තාව අද දිනයේ පාර්ලිමේන්තුවට බාර දීමට නියමිතය.

ජනාධිපති ලේකම් ඔස්ටින් ප‍්‍රනාන්දු මහතා සදහන් කරන්නේ එහි පිටපත් 26ක් අද දිනයේ පාර්ලිමේන්තුවට ලබා දෙන බවයි.

කතානායකයා විසින් එහි පිටපත් අවශ්‍ය යයි කරන ලද ඉල්ලීම මත මෙසේ පිටපත් පාර්ලිමේන්තුවට දෙන බවද ඔහු සදහන් කලේය.

එමෙන්ම මහා පරිමාණ වංචා දූෂණ විමර්ශනය කරනු ලැබූ ජනාධිපති කොමිසමේ අතුරු වාර්තා 34ක හා අවසන් වාර්තාවේ පිටපතක් ද අද ධිනයේ පාර්ලිමේන්තුවට ලබා දෙන්නේ යයි ඔහු සදචහන් කරයි.

ඉන් පසු එම සියළු වාර්තා අන්තර්ජාලයට මුදා හැරීමට නියමිතය.

යතුරුපැදියෙන් ඉගිල්ලූනු තරුණයා පාලමකින් ඇද වැටී මිය යයි…

යතුරුපැදියෙන් ඉගිල්ලූනු තරුණයා පාලමකින් ඇද වැටී මිය යයි…

කිලිනොච්චිය වට්ටකච්චි ප්‍රදේශයේදී යතුරුපැදියකින් ගමන්ගත් තරුණයෙකු පාලමකින් ඇදවැටී තරුණයෙකු මිය ගොස ඇති බවට කිලිනොච්චිය පොලීසිය කියා සිටියේය.

මෙසේ මියගොස් ඇත්තේ වට්ටකච්චි ගම්මානයේ පදිංචි විසි දෙහැවිරිදි රාසේන්ද්‍රන් සර්වානන්දන් නැමති අයෙකු වන අතර අදාල මරණය සම්බන්ධයෙන් නිවසේ උදවිය පොලීසියට පවසා ඇත්තේ ගමනක් මිතුරෙකුගේ නවසකට යාම සඳහා ඔහු අළුයම් කාලයේදී නිවසින් පිටත්ව ගිය බවයි.

කිලිනොච්චිය පොලීසිය පවසුවේ යතුරු පැදියෙන් අධික වේගයෙන් ගමන් කළ මෙම තරුණයා යතුරු පැදිය පාලනය කරගැනීමට නොහැකිව පාලමේ ගැට්ටේ වැදී පාලමෙන් පහල පිහිටි ඇළට වැටී ඇති බවයි.

මියගිය තරුණයා සම්බන්ධයෙන් මහේස්ත්‍රාත් පරීක්ෂණය සිද්ධිය වූ ස්ථානයේදී පැවත්වීමට නියමිතව අති අතර එතෙක් මළ සිරුරට පොලිස් ආරක්ෂාව යොදවා තිබේ.

කිලිනොච්චිය පොලීසිය සිද්ධිය පිළිබදව වැඩිදුර පරීක්ෂණ පවත්වාගෙන යයි.

– වන්නි රොමේෂ් මධුෂංඛ

අවම කාන්තා නියෝජනය පනතේ නෑ.. මහරගම නාමයෝජනා ප‍්‍රතික්‍ෂෙප වූ නඩුව අසන අධිකරණයට දේශපාලන අතපෙවීම්..

අවම කාන්තා නියෝජනය පනතේ නෑ.. මහරගම නාමයෝජනා ප‍්‍රතික්‍ෂෙප වූ නඩුව අසන අධිකරණයට දේශපාලන අතපෙවීම්..

පිවිතුරු හෙළ උරුමය විසින් පැවැත්වූ මාධ්‍ය හමුවකදී එම පක්ෂ නායක පාර්ලිමේන්තු මන්ත‍්‍රී උදය ගම්මන්පිල මහතා මෙසේ අදහස් පල කලේය.

පළාත් පාලන ආයතන තුල කාන්තාවන්ට 25%ක අවම නියෝජනයක් ලබා දුන්නා කියලා ආණ්ඩුව ලොකු පම්පෝරියක් ගැහුව්වා. ඒ අනුව කොට්ඨාශ ලැයිස්තුවේ 10%ක් සහ අතිරේක ලැයිස්තුවේ 50%ක් කාන්තාවන් සිටිය යුතුයි කියා පනතේ තිබෙන බව තමයි මැතිවරණ කොමිසමත් රටට කිව්වේ. මහියංගනය ප්‍රාදේශීය සභාවට සහ මහරගම නගර සභාවට පොදුජන පෙරමුණෙන් ඉදිරිපත් කළ නාමයෝජනා ප්‍රතික්ෂේප කලෙත් අවම කාන්තා නියෝජනය නෑ කියලා. නමුත් අවම කාන්තා නියෝජනය තවම නීති පොතට එකතු වෙලා නෑ කියලා මම ඉතාමත් වගකීමෙන් ප්‍රකාශ කරනවා. ඇයි මම එහෙම කියන්නේ?

කොට්ඨාශ ලැයිස්තුවේ 10%ක් සහ අතිරේක ලැයිස්තුවේ 50%ක් කාන්තාවන් සිටිය යුතුයි යන විධිවිධානය පළාත්පාලන ඡන්ද විමසීම් ආඥා පනතට එකතු වෙන්නේ 2017 අංක 16 දරණ පළාත්පාලන ඡන්ද විමසීම් (සංශෝධන පනතින්). ඒ පනතේ 8 වගන්තියෙන් ප්‍රධාන ආඥා පනතේ 28 වන වගන්තිය සංශෝධනය කරනවා. පනතේ 8(2) වගන්තිය කියන්නේ මෙහෙමයි.

එම වගන්තියේ (2) වන උපවගන්තියේ “(මෙහි මින් මතු “ස්වාධීන කණ්ඩායම“ ලෙස හඳුන්වනු ලබන) යම් පිලිගත් දේශපාලන පක්ෂයක්“ යන වචන වල සිට “ආකෘතියට සාරානුකූල වූ ආකෘතියකින්“ යන වචන දක්වා ඇති වචන ඉවත් කර ඒ වෙනුවට පහත දැක්වෙන කොටස ආදේශ කිරීමෙන්

නමුත් පනතේ 28(2) උප වගන්තියේ “මෙහි මින් මතු …“ ලෙස ආරම්භ වන වචන සමූහයක් නෑ. ඇත්තෙන්ම 2016 වන තුරු ඒ වචන සමූහය පනතේ තිබුණා. 2016 අංක 1 දරණ පළාත්පාලන ඡන්ද විමසීම් (සංශෝධන) පනතින් ඒ පනත සංශෝධනය වුණා. 2016 අංක 1 දරණ පනතේ 3 වන වගන්තියෙන් ඒ කොටස වෙනුවට “යම් පළාත්පාලන ආයතනයක සභිකයින් තෝරා පත් කර ගැනීමේ කාර්ය සඳහා“ යනාදි වෂයෙන් කොටසක් එකතු කරලා තියෙනවා.

කාන්තා නියෝජනය පිළිබඳ විධිවිධානය ගෙනෙන්න කියන්නේ “මෙහි මින් මතු ..“ යනුවෙන් තිබෙන කොටස ඉවත් කරලා ඒ වෙනුවට. ඉතින් එහෙම කොටසක් ඉවත් කරන්න පනතෙ නැතිනම් අළුතින් හඳුන්වා දෙන කොටස හඳුන්වා දෙන්න බැරි වෙනවා. ඒ නිසා අවම කාන්තා නියෝජනය පනතට එකතු වෙලා නීතියක් බවට පත් වෙලා නෑ. මෙවැනි බරපතල වරදක් කොහොමද වුණේ?

රාජ්‍ය භාෂාවන් සිංහල සහ දෙමළ වුණත් නීති කෙටුම්පත් දෙපාර්තමේන්තුව පනත් කෙටුම්පත් කරන්නේ ඉංග්‍රිසියෙන්. ඊට පස්සේ සිංහලට සහ දෙමළට පරිවර්තනය කරනවා. පනතේ ඉංග්‍රිසි පිටපතේ ඉතාම නිවැරදිව සංශෝධනය සඳහන් වෙලා තිබෙනවා. සිංහලට පරිවර්තනය කරන විට තමයි වැරැද්ද සිදු වී තිබෙන්නේ. කොහොම නමුත් පිටපත් අතර පරස්පරයක් තිබෙන විට බලාත්මක වන්නේ සිංහල පිටපත මිස ඉංග්‍රිසි පිටපත නොවේ.

අවම කාන්තා නියෝජනය නීති පොතේ නැතිනම් අවම කාන්තා නියෝජනය නෑ කියලා මහරගම නගරසභාව සහ මහියංගනය ප්‍රාදේශිය සභාවල නාමයෝජනා ප්‍රතික්ෂේප කිරීම නීති විරෝධියි. ඒ පිළිබඳ ඉදිරියේ දී අපි අධිකරණයේ කරුණු දක්වන්න බලාපොරොත්තු වෙනවා.

මහරගම නගරසභාවේ ශ්‍රී ලංකා පොදුජන පෙරමුනේ නාමයෝජනා ප්‍රතික්ෂේප කිරීම පිළිබදව නඩුව උසාවියේ විභාගයට ගැනීමට නියමිතයි. මේ වන විට මට නොනිල ආරංචියක් ලැබුනා ඒ නඩුව අසන්නට සිටින අභියාචනා විනිසුරුවරුන් දෙදෙනාගෙන් එක් අයෙකුට ශ්‍රේෂ්ඨාධිකරණයේ විනිසුරු ධුරයට පත්කිරීම සඳහා දැනුම්දී ඇති බව. ඒ කතාව ඇත්තනම් මේ ආණ්ඩුව බරපතල ලෙස යුක්තිය ඉටුකිරීමට මැදිහත් වී තිබෙනවා.

ඇයි මහරගම නඩුව අහන දින විනිසුරුවරුන් ජනපති මැදුරට ගේන්නේ. අපි හොදින්ම දන්නවා අභියාචනාධිකරණයේ නඩු ඇසීම සිදු වෙන්නේ උදෑසන 10 සිට දහවල් එක පමණ වෙනකම්. ඔය වේලාව මග හැර විනිසුරුතුමන් ජනපතිමන්ධිරයට කැදවන්න තිබුනා. මහරගම නගරසභාවේ මැතිවරණය කල් තැබීමේ නියෝගයක් නැති නම් අත්සිටුවීමේ නියෝගයක් ගැනීමේ බලාපොරොත්තුවෙනුයි අපි උසාවි ගියේ. නඩුව ගන්නේ නැතිනම් අපිට ඒ අවස්ථාව අහිමි වෙනවා. ඒ විතරක් නෙවෙයි මේ මස 22 වෙනිදා සිට තැපැල් ඡන්දයද ආරම්භවෙනවා. ඉන් පසුව නඩුව කල් තැබුව හොත් අර තැපැල් ඡන්ද සදහා රජය දැරූ වියදමද අපරාධයක් බවට පත්වෙනවා. ඉතින් මේ සිදුවීම ඇත්නම් එය දේශපාලන කාරණයක් සදහා අධිකරණ ක්‍රියාවලියට අත පෙවීමක් විදිහටයි අපි දකින්නේ.

– අරවින්ද අතුකෝරල

යුද්දෙ දින්න අන්තිම සති දෙකේ ආරක්‍ෂක ඇමති මමයි..- ජනපති

යුද්දෙ දින්න අන්තිම සති දෙකේ ආරක්‍ෂක ඇමති මමයි..- ජනපති

යුද්දය දින්නේ අප සියළු දෙනා එකතු වීමෙන් බව ජනාධිපති මෛත‍්‍රිපාල සිරිසේන මහතා පවසයි.

ඔහු මෙසේ පැවසුවේ සන්ධානයේ ජයග‍්‍රහණය වෙනුවෙන් දඹුල්ලේදී පැවති ජනහමුවක් අමතමිනි.

ජනාධිපතිවරයා එහිදී මෙසේද පැවසීය.

‘යුද්දෙ දින්නෙ අපි ඔක්කොම එක් වෙලා. මං කොටි ප‍්‍රහාර පහකට ලක් වුනු කෙනෙක්. මට ගහන්න ආ හැම කොටියෙක්ම විනාශ වුනා. නැතිනම් හිරේ ගියා.

යුද්දෙ අන්තිම සති දෙකේ ආරක්‍ෂක ඇමති මමයි. ජනාධිපති නැති හැම වෙලේම ආරක්‍ෂක ඇමතිකම මටයි බාර දුන්නෙ’

නාගදීප විහාරයට විහාරස්ථ කාර්යාලයක් විවෘත්ත කෙරේ…

නාගදීප විහාරයට විහාරස්ථ කාර්යාලයක් විවෘත්ත කෙරේ…

යාපනය නාගදීප පුරාණ රජමහා විහාරස්ථාන භූමියේ අභිනවයෙන් ඉදිකරන ලද විහාරස්ථ කාර්යාලය 15 දින නාගදීප පුරාණ රජමහා විහාරාධිපති උතුරු පලාතේ ප්‍රධාන සංඝනායක ප්‍රවීණාචාර්ය අති පූජ්‍ය නවදගල පදුමකිත්ති තිස්ස හිමියන්ගේ ආරාධනාවන් පරිදි උතුරු නාවික විධානය භාර ආඥාපති රියාර් අද්මිරාල් ජයන්තද සිල්වා මහතාගේ ප්‍රධානත්වයෙන් විවෘත්ත කෙරිණි.

මෙම විහාරස්ථ කාර්යාල ඉදිකිරීම වෙනුවෙන් නාවික හමුදා සිවිල් ඉංජිනේරු අංශයේ අධීක්ෂණය යටතේ එම අංශයේ ශ්‍රමදායකත්වයෙන් ඉදිකරන ලදි.

නාගදීප විහාරයේ ඓතිහාසික වැදගත්කම පිළිබඳ බැතිමතුන්ට තොරතුරු ලබාදීමටත් විහාරයට පැමිණෙන බැතිමතුන්ගේ අවශ්‍යතාවයන් හා ඔවුන්ට අවශ්‍ය තොරතුරු ලබා දීමට ඇතුලු පහසුකම් වෙනුවෙන් මෙම විහාරස්ථ කාර්යාලය ඉදිකොට ඇත.

– වන්නි රොමේෂ් මධුෂංඛ